Şam – SANA
Wezareta Tenduristîyê ya Sûrîyê berî du rojan civîneke teknîkî ligel şandeya nûneratîya Yekîtîya Ewropayê li Şamê pêk anî, ku tê de Wezîrê Tenduristîyê yê Sûrîyê Zuhêr El-Qerat mekanîzmayên çalakkirina hevtemamkirina tenduristîyê û xurtkirina destwerdanên ji bo piştgirîya sektora bijîşkî ya Sûrîyê gotûbêj kirin.
Civînê bi beşdarîya nûnerên (DG ECHO) û (DG MENA) nêrîna wezaretê ya di girêdana navbera karê mirovî û geşepêdanê de, û guncandina plana bersivdayînê ligel planên niştimanî û peymana tenduristîyê gotûbêj kir, bi giranî li ser başbûna sîstemê û dagirtina valahîyên xebatê sekinî.
Hikûmeta Sûrîyê ber bi başbûn, geşepêdan û nêrîna “Sûrîyeke bê kamp” ve diçe ligel berdewamîya alîkarîyan. Ev yek piştî gotûbêjên di meha Sibata borî de ligel şandeya nûneratîya Yekîtîya Ewropayê bi serokatîya Francesco Calibrico hat, ji bo gengeşekirina vekirina nivîsgeheke Yekîtîyê li Şamê, berfirehkirina karê wê û nirxandina sektora tenduristîyê.
