Bonn – SANA
Hejmareke mezin a welatîyên Sûrîyê yên li Almanyayê û welatên Ewropayê yên cîran, serî li Konsulxaneya Giştî ya Komara Erebî ya Sûrîyê li bajarê Bonnê didin, ku piştî mehekê ji vekirina wê, hejmara belgeyên ku rojane têne meşandin ji 500î bêhtir e, piranîya wan li beşê pasaportan e.
Konsulxane li wîlayeta Bakurê Raynê ye, ku mezintirîn kombûna civaka Sûrîyê lê heye. Ev yek bûye sedema sivikkirina barê Sûrîyên li wê derê ji ber ku Konsulxane nêzî devera niştecîbûna wan e.
Konsulxane her weha xizmeta welatîyên Sûrîyê yên li Hollanda, Belçîka û Fransayê jî dike. Hejmarek ji welatîyan kêfxweşîya xwe bi xizmetguzarîyan û pergala destnîşankirina dema serlêdanê ya elektronîk anîn ziman, ji ber wê alîkarî di rêkûpêkkirina kar û rêgirtina li ber sextekaran de kiriye.
