Vîyena – SANA
Yekîtîya Ewropayê, duh Çarşemê, pêşwazî li biryara Encumena Parêzvanan a Ajansa Navneteweyî ya Enerjîya Atomî ya girêdayî Sûrîyê kir. Ev biryar ji alîyê Encumenê ve bi tevaya dengan hatibû pejirandin.
Balyozê Yekîtîya Ewropayê li Neteweyên Yekbûyî û Rêxistinên Navneteweyî yên li Vîyenayê Carl Hallergard, di nivîsekê de li ser platforma “X”ê, amaje bi wê yekê kir ku biryara Ajansê dawîyê li kêşeyên çaresernebûyî tîne, yên girêdayî çalakîyên nukleerî yên ku ji serdema rejîma Esad a têkçûyî ve ne.
Balyoz Hallergard got: Yekîtîya Ewropayê serederîya bi zelalî û hevkarîya Sûrîye bi Ajansa Navneteweyî ya Enerjîya Atomî re, ji bo çareserkirina mijarên girêdayî vê dosyayê, bilind dinirxîne, û rêzgirtina xwe ji bo hewldanên ku ji alîyê Rêveberê Giştî yê Ajansê Rafael Grossi ve hatine kirin nîșan da.
Biryara Encûmena Parêzgeran a Ajansa Navneteweyî ya Enerjîya Atomî ya rakirina babeta “nebûna pabendbûnê” ya derbarê Sûriyê de ji rojeva xwe, ku duh hatibû pejirandin, pêşwazîyeke berfireh a Erebî û navneteweyî dît.
