Waşington-SANA
Lêkolînerên li kompanya “Google DeepMind” ku laboratora lêkolînê ya pêşketî ye di warê zîrekîya destkird de, amûreke nû bi navê “AlphaGenome” pêş xistin. Armanca vê amûrê alîkarîya zanyaran e ji bo naskirina guherînên jenetîkî yên ku bandorê li ser rêkxistina jenan û erkên wan ên bîyolojîk dikin.
Li gorî nûçeya rojnameya “The Guardian” a Brîtanî, lêkolînera li “DeepMind” Natasha Latysheva di konferanseke rojnamevanîyê de got: “AlphaGenome amûrek e ji bo têgihîştina erkên hêmanên cuda di hundirê genomê de. Em hêvî dikin ku ew beşdarî kûrkirina têgihîştina me ya bingehîn ji bo tiştê ku wek ‘şîfreya jîyanê’ tê naskirin bibe.”
Tîma “DeepMind”ê hêvî dike ku amûra nû alîkarîya zanayan di dîyarkirina parçeyên herî girîng ên genomê de bike ku berpirsyarên geşepêdana şaneyên taybet in, ku ev yek dibe ku rê li ber dîtina dermanên nûjen veke.
