London-SANA
Encumena Lordan a Brîtanya piştgirî da qedexekirina torên civakî ji bo kesên di bin 16 salîyê de, ev jî ji bo zêdekirina zextê li ser hukûmetê daku vê biryarê bipejirîne.
Encumena Lordan guhertina “Nash” bi 261 dengan li hember 150 dengan pesend kir, ev jî bi piştgirîya partîyên “Karkeran” û “Lîberalên Demokrat” pêk hat.
Nash: Ev dengdan pêşeroja zarokan ji zirarên karesatbar ên torên civakî diparêze.
Starmer soz da ku zarokan biparêze û dîyar kir ku ew li ber hemû bijareyan vekirî ye, û li benda encamên şêwirên hukûmetê ne berî ku yasayê derxin.
Zextên polîtîk li ser hukûmeta Brîtanya zêde bûne daku mîna ezmûna Awistralya, torên civakî li ser kesên di bin 16 salîyê de qedexe bike.
Daxwazên berfireh ji “Starmer” hatin kirin ku piştgirîya qedexeyê bike, li hemberî hişyarîyên hiqûqî ku dibêjin dibe ku ev biryar bibe sedema “ewlehîyeke sexte”.
Li gorî rapirsîyeke “YouGov”: 74 ji sedê ji Brîtanîyan piştgirîya qedexekirina platformên ragihandinê li ser zarokan dikin.
Livbazîyeke navdewletî û hişyarîyên Neteweyên Yekbûyî derbarê metirsîyên torên civakî li ser biçûkan (wekî tûjûtûjî, îstîsmarkirin û naveroka tundûtûj) hene, ku wekî peyrewîya gava Awistralya tê dîtin.
