Waşington-SANA
Pisporan hişyarî da ku bikaranîna zêde ya ekranan ji alîyê zarokên qonaxa berîya dibistanê ve, zîyanê digihîne geşebûna wan a bedenî, fêrkarî û civakî, her wiha dibe sedema alozîyên xewê û astengîyê dixe pêşîya jêhatîbûnên wan ên zimanî.
Pisporan bi rêya malpera “Only My Health” hişyarî li ser zîyanên ekranan li ser geşebûna zarokên berîya dibistanê da, û pêşnîyar kirin ku ji bo yên di bin du salîyê de bi temamî werin qedexekirin, û ji bo zarokên (2-5 salî) jî bi saeteke fêrkarî ligel beşdarîya dê û bavan were sînordarkirin.
Dr. Ajay Dogra tekez kir ku bikaranîna nerm û arastekirî ya ekranan zîyanê nade, bi mercê pabendbûna bi naveroka guncav, dîyarkirina demê, û xurtkirina têkilîya malbatî û çalakkirina bedenî.
Lêkolîn piştrast dikin ku pênc salên pêşîn ji bo geşedana mêjî û jêhatîbûnan çarenûsî ne, û bikaranîna zêde ya ekranan rê li ber avakirina girêdanên demarî digire; loma çavdêrîya dê û bavan û dîyarkirina demê ji bo geşebûneke tendurist û hevseng pêwîstîyeke girîng e.
