Heleb – SANA
Hêzên Ewlehîya Navxweyî piştî êrîşeke li ser baregeheke xwe û dewrîyekê di dema bicihanîna erkê xwe de, belavbûna xwe li bajarê Kobanê (Eyn El-Erebê) yê li gundewarê Helebê zêde kir; her wiha karîn aramîyê vegerînin bajêr û hejmarek ji kesên tevlî wan êrîşan bûne desteser bikin.
Rêveberîya Ewlehîya Navxweyî li Kobanê (Eyn El-Erebê) duh Înê di daxuyanîyekê de ragihand ku dewrîyên wan li bajêr belav bûbûn da ku ewlehîya kombûneke nerazîbûnê biparêzin, ku li ser kuştina ciwanê bi navê Samî Şêxmûs Heso hatibû lidarxistin.
Samî li ser destê çend kesên tawanbar hatibû kuştin û hêzên ewlehîyê bo girtin û radestkirina wan li ber dadgeha pêwendîdar lêgerîna xwe didomînin.
Her wiha hat gotin: “Di dema kombûnê de, hejmarek ji beşdaran kevir avêtin endamên ewlehîyê, hevdem digel teqekirin û şewitandina çend baregehên ewlehîyê li bajêr, ku di encamê de di nava refên Hêzên Ewlehîya Navxweyî de birîndar çêbûn.”
Di dawîyê de hat destnîşankirin ku li pey vê yekê, hêzên ewlehîyê destwerdan kirin da ku rewşê kontrol bikin û hejmarek ji kesên tevlî êrîşan bûne girtin; her wiha operasyonên lêgerîn û dûvçûnê dewam dikin da ku kesên din ên tevlîkar bên girtin û rêkarên yasayî yên pêwîst li hemberî wan bên wergirtin.
