Şam-SANA
Dezgeha Navendî ya Çavdêrîya Darayî lîsteyên dawî yên navên kesên ku mafê wan heye beşdarî ezmûna nivîskî ya pêşbirka “alîkarê pişkîner” bibin, weşandin.
Ev yek piştî bidawîbûna dema wergirtina daxwazên nerazîbûnê, nirxandina agahîyan û qebûlkirina daxwazên ku li gorî mercên ragihandina fermî ya pêşbirkê bûn, hat.
Dezgeha Navendî ya Çavdêrîya Darayî îro Înê li ser kanala xwe ya Telegramê dîyar kir, her kesê ku piştî nirxandina nerazîbûnan navê wî/wê li lîsteyê hatibe zêdekirin, dê peyameke SMS a pesendkirinê jê re were şandin û navên wan dê li komên WhatsAppê werin zêdekirin.
Dezgeha Çavdêrîya Darayî da zanîn ku ezmûna nivîskî dê roja Şemîyê, 12ê vê mehê, demjimêr 11:00ê sibehê bê encamdan.
Ezmûn dê li sê navendên sereke werin kirin ku bi vî awayî hatine dabeşkirin: Fakulteya Aborî li Zanîngeha Şamê ji bo serlêderên parêzgehên Şam, Gundewarê Şamê, Dera û Quneytirayê; Fakulteya Aborî li Zanîngeha Helebê ji bo serlêderên parêzgehên Heleb, Idlib, Reqa û Dêrezorê û Fakulteya Wêje û Zanistên Mirovî li Zanîngeha Himsê ji bo serlêderên parêzgehên Hims, Hema, Laziqîye û Tertûsê.
Her wiha hat destnîşankirin ku ezmûn dê bi awayê nivîskî û otomatîk be; pirs jî dê ji materyalên çavkanî yên di lînkê de hatine dîyarkirin û ji pirsên çanda giştî pêk werin.
Dezgehê bang li serlêderan kir ku lîsteyên navên dawî li ser lînkê kontrol bikin.
