Parêzgeh – SANA
Di nav 24 demjimêrên borî de li Sûrîyê ji ber bûyerên trafîkê û şewatên ku tîmên Parastina Sivîl a Sûrîyê ya ser bi Wezareta Rewşên Awarte û Birêvebirina Karesatan bersiva wan dane, 3 kes mirin û 24 kesên din birîndar bûn.
Parastina Sivîl îro Înîyê li ser kanala xwe ya Telegramê ragihand ku 21 bûyerên trafîkê rû dane ku di encamê de 3 kes mirin û 22 sivîl birîndar bûne, û dîyar kir ku tîmên wê alîkarîyên seretayî ji birîndaran re pêşkêş kirin, piştre ew rakirin nexweşxaneyan, her wiha şopên bûyeran rakirin û cihên wan ewle kirin.
Di heman demê de, tîmên Parastina Sivîl bersiva 122 şewatan li seranserî Sûrîyê, ku li mal, dikan, gîya, dar, çop û têlên elektrîkê derketibûn, dan, û di encamê de du endamên tîmên agirkujîyê birîndar bûn, lê zirarên mayî tenê madî bûn.
Parastina Sivîl bi bîr xist ku pêwîst e agir di nav daristan û zevîyên çandinîyê de neyê vêxistin, binikên çixareyan an jî şûşeyên camî li kêleka rêyan neyên avêtin, ji şewitandina gîyayên hişk ên li dora xanîyan an li kêleka rêyan dûr bikevin, û divê bi awayên ewle bên rakirin.
