Şam-SANA
Ciwanekî jîyana xwe ji dest da û 13 kesên din jî birîndar bûn ji ber bûyerên trafîkê ku tîmên Parastina Sivîl li Wezareta Rewşên Awarte û Birêvebirina Karesatan a Sûrîyê di nava 24 saetên dawî de li parêzgehên cuda destwerdanî wan kirin.
Parastina Sivîl îro Çarşemê bi rêya kanala xwe ya Telegramê ragihand ku 8 qezayên trafîkê çêbûne û bûne sedema mirina ciwanekî û birîndarbûna 13 welatîyan. Parastina Sivîl dîyar kir ku tîmên wê alîkarîya seretayî pêşkêşî 6 birîndaran kirin û paşê ew veguhastin nexweşxaneyan ji bo wergirtina dermankirina pêwîst, lê birîndarên din ji alîyê xelkê ve hatin veguhastin. Her wiha tîman şopên bûyeran rakirin û ewlehîya cihên qezayan peyda kirin.
