Şam-SANA
Parêzgarê nû yê Banka Navendî ya Sûrîyê Mihemed Sefwet Reslan bi awayekî fermî dest bi karên xwe kir. Ev yek di merasîmeke radestkirinê de ku duh Duşemê li avahîya bankê li Şamê hat lidarxistin, pêk hat. Di merasîmê de parêzgarê berê Ebdilqadir El-Hesrîyê û rêveberên beşên navendî yên bankê amade bûn.
Banka Navendî duh Duşemê bi rêya kanala xwe ya Telegramê dîyar kir ku ev gav di çarçoveya rêkarên radestkirina erk û berpirsiyarîyan de tê, da ku berdewamîya kar û aramîya sîyasetên diravî û bankî li Sûrîyê were dabînkirin.
Di dema merasîmê de, El-Hesrîyê wekî qedirgirtina hewldanên wî yên berê di çespandin û birêxistinkirina xebata sazûmanî de hat xelatkirin.
