Şam-SANA
Berdevka Fermî ya Desteya Niştimanî ya Wendayan Hezar Seqbanî tekez kir ku girtina tawankar Emced Yûsif û desteserkirina her kesê ku guman heye di binpêkirinên giran de cih girtiye, gaveke girîng e di xurtkirina rêyên lêpirsîna qanûnî û eşkerekirina çarenivîsa wendayan de.
Seqbanî di daxuyanîyekê de ji SANAyê re îro Şemîyê eşkere kir ku dîyarkirina nasnameya qurbanîyan pêvajoyeke hûr û hestyar e û nabe bi rêya texmînan were kirin. Navhatî dîyar kir ku gihîştina encamên dawî hewceyî temamkirina rêkarên teknîkî ye, çi bi rêya berhevkirinê be yan jî şîrovekarîyên tawanzanî.
Her wiha Seqbanî destnîşan kir ku deste bi aramî û berpirsyarî nêzîkî van dosyayan dibe, bi armanca gihîştina bersivên rast û parastina mafên malbatan û avakirina dosyeyeke ku di heman demê de xwedî giranîyeke mirovî û qanûnî be.
