Şam – SANA
Wezareta Navxwe ragihand ku navendên taybet ên wergirtina serlêdanên bidestxistina hemwelatîbûna Sûrî ji bo welatîyên civaka Kurdî yên ku mersûma serokatîyê ya jimar /13/ wan li xwe digire, hatine destnîşankirin.
Ji bo hêsankirina rênimayan, ev navend li çend parêzgehan bi vî rengî hatine dabeşkirin:
- Parêzgeha Hesekê: Navendên (Hesekê li Encumena Bajar, Dirbêsîyê ya ser bi Emaneta Dirbêsîyê, Qamişlo li Encumena Xwecihî, Çilaxa li Encumena Xwecihî, û Dêrika Hemko li Emaneta Dêrikê) li xwe digire.
- Parêzgeha Helebê: Salona Şehba ya Werzîşê, li beramberî Rêveberîya Ewqafê li taxa El-Cemîlîyê.
- Parêzgeha Dêrezorê: Salona Şebîbê ya berê, li nêzîkî Banka Navendî.
- Parêzgeha Reqayê: Rêveberîya Karûbarên Sivîl, li başûrê Garaja Veguhastinê û Banka Navendî.
- Parêzgeha Şamê: Rêveberîya Karûbarên Sivîl, li kêleka Pira Sewreyê.
Ev rêkar di çarçoveya cîbicîkirina bendên mersûma serokatîyê de tê, ya ku dayîna hemwelatîbûnê ji bo kesên ku ev biryar ji civaka Kurdî wan li xwe digire bi rêk dixe.
