Şam-SANA
Wezareta Geştyarîyê îro li baregeha wezaretê li Şamê, memorandûmeke hevtêgihiştinê bi Yekîtîya Rojnamegeran re îmze kir. Armanca vê memorandûmê xurtkirina hevkarîya ragihandinê û propagandaya ji bo nîşandana taybetmendîyên şaristanî û geştyarî yên Sûrîyê ye.
Li gorî vê memorandûma ku ji alîyê Alîkarê Wezîrê Geştyarîyê Ferec El-Qeşqûş û Serokê Yekîtîya Rojnamegeran Mehmûd Şehûd ve hat îmzekirin, her du alî li ser amadekirin û cîbicîkirina planên ragihandinê bi hevkarîya Ofîsa Ragihandinê ya wezaretê li hev kirin.
Di xalên memorandûmê de destpêkirina bernameyên perwerdeyê yên hevpar hene, ku armanc jê amadekirina kadroyên ragihandinê û pêşxistina jêhatîbûnên wan di warê ragihandina geştyarîyê de ye.
Ev gav wekî berdewamîya plana Wezareta Geştyarîyê tê ku dixwaze ji nûçegihanîya asayî derbasî ragihandineke geştyarî ya pispor bibe; ragihandineke ku bikaribe li gorî pêşîneyên geşepêdana niştimanî bibe û beşdarî nasandin û propagandaya berpirsyarane ya ji bo proje, sazî û çalakîyên geştyarîyê bibe.
