Heleb- SANA
Wezareta Rewşên Awarte û Birêvebirina Karesatan ragihand ku rêxistina HSDê ku li taxên Şêx Meqsûd û Eşrefîyê li bajarê Helebê bi cih bûye, bi fîşekên nîşangirekî ambûlanseke ser bi Berevanîya Sivîl a Sûrîyê ve armanc girt, di dema ku ew ambûlans li nêzîkî yek ji xalên derxistin û derbasbûna sivîlan bû ku di encamê de xebatkareke tendurustîyê bi sivikî birîndar bû.
Wezaretê îro di daxuyanîyekê de tekez kir ku armancgirtina tîmên Berevanîya Sivîl tawaneke metirsîdar e û binpêkirineke eşkere ya qanûna mirovî ya navneteweyî ye, û amaje pê kir ku êrîşên bi vî rengî dibin sedema astengkirina hewldanên rizgarkirina sivîlan û rê li ber pêşkêşkirina xizmetên mirovî yên jîyanparêz digirin.
Rêveberê Ragihandina Tendurustîya Helebê Munîr El-Mihemed berê di daxuyanîyekê de ji SANAyê re ragihandibû ku hejmara qurbanîyên sivîl ji ber armancgirtina taxên bajêr ji alîyê rêxistina HSDê ve, bilind bûye û gihîştiye 5 kuştî û 44 birîndaran.
