Şam-SANA
Hevrêzkarîya Taxa Kurdan li herêma Riknedînê ya Şamê, dest bi operasyoneke berfireh a belgekirina navên şehîd û windayên taxê kir, ew kesên ku di encama tawanên rejîma hilweşyayî de bûne qurbanî. Armanc ji vê xebatê parastina bîrdanka komî û avakirina dosyayeke qanûnî ye ku piştgirîyê dide pêvajoya dadwerîya veguhêz û lêpirsînê.
Ev destpêşxerî berîya sê hefteyan, bi piştgirîya hewldanên civakî û bi hevkarîya xelkê taxê û torên medyaya civakî dest pê kir. Pêvajoyê belgekirina nav û wêneyên şehîd û windayan li xwe girt, ku heta niha navên zêdetirî 600 şehîdî hatine qeydkirin, tê pêşbînîkirin ku ev hejmar zêdetir bibe ji ber ku hîn hin malbatan navên zarokên xwe qeyd nekirine.
Çalakvana hevrêzkarîyê Mîdya Ekko tekez kir ku armanc ji vê xebatê zindîkirina bîrdanka taxê û darizandina berpirsên tawanên hatine kirin e. Wê eşkere kir ku piranîya şehîdan ji nifşê ciwanan in, û zêdetirî %80 ji wan têkildarî şehîdên binçavkirî ne ku şopa wan di girtîgehan de winda bûye.
Ji alîyê xwe ve, hevrêzkara destpêşxerîyê Mîdya Zaza bal kişand ser wê yekê ku piranîya kesên windabûyî di navbera salên 2012 û 2013an de bêserûşûn bûne, û ji sedî 90ê wan ji hêla dezgehên ewlekarîyê yên rejîma berê ve hatine girtin.
Ev destpêşxerî wekî karekî xwebexş û berpirsyarîyeke neteweyî ye, da ku qurbanî neyên jibîrkirin û tawanbar ji cezakirinê rizgar nebin.
