Washington-SANA
Serokê Amerîkayê Donald Trump îro Çarşemê, tekez kir ku raporên behsa siwarbûna wî meha bûrî li Tirkîyê, bi awayekî nehênî li balafireke din ku ne ya wî bû, rast in. Her weha got ku ev yek li gor rênimayên Cîhazê Xizmeta Nehênî yê Amerîkayê hatiye kirin, û destnîşan kir ku ev balafir ji ya serokatîyê (Air Force One) metirsîdartir bû.
Ajansa “Reuters”ê ji zarê Trump veguhest ku wî ji rojnamevanan re gotîye: “Ez di wê bawerîyê de me ku ew balafira ku ez lê siwar bûm di metisîyeke mezintir de bû… ji ber ez bawer im ku ew balafir bû ya ku bi îhtîmaleke mezin dê hatiba armanckirin,” û weha jî got: “Ez bawer dikim ku gefek hebû. Min gelek pirs derbarê vê yekê nekirin, ji ber ku gelek gef li min tên xwarin.”
Trump her wiha got: “Di van mijaran de biryar tenê di destê Cîhazê Xizmeta Nehînî de ye.. Ez tenê tiştê ku ew dixwazin pêk tînim.. Ji ber wê ez rênimayên Cîhazê Xizmeta Nehînî û artêşê dişopînim.”
Medyaya Amerîkayê dîyar kir ku piştî lûtkeya Hevpeymanîya Bakurê Atlantîkayê (NATO) li Enqereyê, Trump ji balafira serokatîyê bi rêya barhilgireke veguhastina xwarinê di proseseke xweveşartinê ya neasayî de bo balafireke leşkerî hat veguhestin, ji ber ku gefeke Îranê ya kuştina wî hebû.
Koşka Spî ev guhertin eşkere nekiribû, û ev mijar veşartî ma heta ku rojnameya Washington Post raporek li ser wê wek yekemîn car roja Duşema borî belav kir.
