Enqere-SANA
Hevdem ligel guhertinên jeopolîtîk û zêdebûna lêçûnên leşkerî li cîhanê, Tirkîye ji welatekî ku çek hawarde dikirin, bû hinardekarekî sereke ku çekan ji nêzî 40 welatan re dabîn dike; her wiha hinardeya wê ya parastinê ji 3 milyar dolarên sala 2021an, sala borî gihîşt 10 milyar dolarî.
Tirkîye ji sedî 65ê bazara dronên çekdar li seranserî cîhanê kontrol dike, ku sûdê ji şerê Ukraynayê û zêdebûna daxwaza Ewropayê ya berhemên Tirkîyê yên kêm-lêçûn û bikêrhatîtir dibîne.
Armanca Enqerê ew e ku di nava du salan de hinardeya xwe ducar bike, û sîstemên navxweyî yên pêşketî mîna keştîyên şer û çekên parastina asîmanî pêş bixe.
Tevî astengî û sînorên sîyasî yên ligel Yekitîya Ewropayê, binesazîya pîşesazî ya Tirkîyê hebûna xwe li bazarên Rojava xurt dike, ku di vê yekê de sûdê ji endamtîya xwe ya di peymana NATOyê de û bawerîya bazarên cîhanî werdigire.
