Beyrût-SANA
Îro Çarşemê, bi sedan kuştî û birîndar li deverên cuda yên Libnanê ketin, di encama êrîşên tund ên asmanî de ku balafirên Îsraîla dagirker pêk anîn.
Navenda Operasyonên Hawarçûnê li Wezareta Tenduristîyê ya Libnanê di daxuyanîyekê de got: “Di geşepêdaneke pir metirsîdar de, balafirên Îsraîla neyar pêleke êrîşên asmanî yên hevdem li ser gelek deverên Libnanê pêk anîn, ku di encama destpêkê de bi dehan kuştî û bi sedan birîndar ketin.”
Serokê hikûmeta Libnanê Newaf Selam bang li hemû dostên Libnanê kir ku alîkarîya wê bikin ji bo rawestandina van êrîşan bi hemû amûrên berdest.
Ji alîyê xwe ve, artêşa Îsraîlê ragihand ku wê êrîşa herî tund li ser Libnanê ji destpêka şer ve pêk anîye, ku tê de di nava 10 deqeyan de zêdetirî 100 cihan kirine armanc. Her wiha dîyar kir ku ev êrîş Beyrût, Biqa û başûrê Libnanê, ligel navendên fermandarîyê û binesazîyên leşkerî yên komika Hizbulahê li xwe digirin.
