Qudsa Dagirkirî-SANA
Hêzên deryayî yên Îsraîla dagirker îro pênc masîgir li deryaya bajarê Xezayê girtin.
Ajansa WAFAyê ragihand ku hêzên deryayî yên Îsraîla dagirker gule bi ser keştîyên pênc masîgiran de reşandin û ew girtin.
Ji destpêka şerê qirkirinê yê Îsraîlî di 7ê Cotmeha 2023an de, Îsraîlê masîgirtin li masîgiran qedexe kir, û hemî keştî wêran kirin. Di bin qedexekirina alîkarîyên xwarinê û yên mirovî yên ji bo Xezayê de, masîgir neçar dimînin ku jîyana xwe bixin metirsîyê da ku debara malbatên xwe bikin.
Hêzên Îsraîla dagirker îro jî binpêkirina agirbestê li Xezayê domandin, û êrîşên esmanî û topbaran li ser deverên rojhilatî yên Xezayê pêk anîn, di encamê de gelek xanî wêran bûn û zirareke madî ya mezin hat tomarkirin.
Îsraîl binpêkirina peymana agirbestê ya ku di 10ê meha borî de ket warê cîbicîkirinê, didomîne. Balafirên wê deverên rojhilatê bajarê Xan Yûnis ê başûrê Xezayê bombebaran kirin, û topxaneya wê taxên rojhilatî yên bajarê Xezayê kir armanc.
Şerê qirkirinê bû sedema şehîdbûna zêdetirî 68800 Filistînî, û birîndarbûna zêdetirî 170 kesî û wêranîyeke mezin di xanî û binesazîyê de.
