Lahey-SANA
Ofîsa Dozgerê Giştî ya Dadgeha Tawanan a Navneteweyî îro hişyarî da ku kiryarên şîdetê yên li bajarê El-Faşirê, ku bajarê herî mezin ê herêma Darfûrê ya li rojavayê Sûdanê ye, dibe ku bigihîjin asta tawanên şer û tawanên li dijî mirovahîyê.
Li gorî rapora ajansa “Frans Press”, ofîsa dozger di daxuyanîyekê de “fikarên kûr” derbarê raporên ku ji bajarê El-Faşir tên û behsa tawanên pêk hatine dikin, anî ziman, û destnîşan kir ku “ev hovîtî beşek in ji şêwazeke berfirehtir a tundîyê ku ji Nîsana 2023an ve tevahîya herêma Darfûrê daye ber xwe.”
Ofîsê her wiha got: “Ger ev kiryar bêne piştrastkirin, dibe ku li gorî Peymana Romayê ya Dadgeha Tawanan a Navneteweyî wekî tawanên şer û tawanên li dijî mirovahîyê bêne hesibandin.”
Çend roj berê, endamên Encumena Ewlehîyê êrîşa Hêzên Piştgirîya Lezgîn li ser bajarê El-Faşir û bandora wê ya wêranker li ser sivîlan bi tundî şermezar kiribûn, û banga darizandina hemî kesên ku binpêkirin kirine kiribûn.
