Pekîn-SANA
Îro li “Tianjina” Çînê, bi beşdariya rêber û serokên hikûmetên 20 welatan û digel nûnerên rêxistinên navneteweyî, 25emîn Lûtkeya Konseya Serokên Dewletan a Rêxistina Hevkariya Şanghayê (SCO) dest pê kir.
Ajansa Nûçeyan a Çînî “şînxwa” ragihand ku Serokê Çînê şî Jin ping bi gelek rêberan re ku di nav wan de Serokkomarê Azerbaycanê Îlham Aliyev û Serokwezîrê Ermenistanê Nikol Paşînyan hebûn re civiya û piştgiriya welatê xwe ji bo tevlîbûna wan a rêxistinê piştrast kir. Li gorî ajansa nûçeyan Serokê Çînê şî Jin ping her wiha bi Serokwezîrê Hindistanê Narendra Modi re civiya û tekez kir ku Çîn û Hindistan hevkarên hevkariyê ne û derfetên pêşkeftina hevbeş temsîl dikin.
Li gorî agahîyên ku hatine wergirtin Serokkomarê Tirkiyê Recep Tayyip Erdogan jî ji bo beşdarî lûtkeyê bibe gihîşt Tianjinê. Tê diyarkirin ji bo serok û nûnerên 10 rêxistinên navneteweyî ku di nav de Sekreterê Giştî yê Neteweyên Yekbûyî Antonio Guterres, û her weha Hevbendiya Dewletên Serbixwe, Yekîtiya Aborî ya Avrasyayê, Komeleya Neteweyên Asyaya Başûrrojhilat (ASEAN), Rêxistina Peymana Ewlekariya Kolektîf û Lîga Dewletên Ereb hebûn re vexwendin hatin şandin.
Di dawiya lûtkeyê de, tê plankirin ku rêberên dewletan ên ku beşdarî lûtkeyê bûne, zêdetirî 20 belgeyan qebûl bikin ku ji van belgeyan yên herî berbiçav Stratejiya Pêşveçûnê ya Rêxistina Hevkariya Şanghayê ya heta sala 2035an û “Danezana Tianjinê ne”.
Rêxistina Hevkariya Şanghayê di sala 2001ê de li bajarê Şanghayê, Çînê, bi înîsiyatîfa rêberên şeş welatên Asyayî: Çîn, Kazakistan, Kirgizistan, Rûsya, Tacîkistan û Ozbekistan hate damezrandin. Hindistan û Pakistan di sala 2017an de tevlî rêxistinê bûn, di heman demê de 14 welatên din jî xwedî statuya “hevkarên diyalogê” ne, di nav wan de Tirkiye, Azerbaycan û Ermenistan jî hene.
