Waşington-SANA
Serokê Amerîkayê Donald Trump, îro di peywendîyeke telefonî de ligel hevtayê xwe yê Rûsî Vladîmîr Pûtîn, mijara çareserîya krîza Ukraynayê gotûbêj kir.
Berdevka Koşka Spî Caroline Leavitt li ser platforma “X”ê ragihand ku: “Serok Trump peywendîyeke erênî ligel Serok Pûtîn derbarê Ukraynayê de pêk anî.”
Ev peywendîya telefonî rojekê piştî hevdîtina Trump û Serokê Ukraynayê Volodîmîr Zelensky li eyaleta Floridayê pêk hat.
Ji alîyê xwe ve, arîkarê Serokê Rûsyayê Yurî Ushakov di daxuyanîyekê de ji bo çapemenîyê -weke ku ajansa Sputnik veguhastiye- dîyar kir ku Trump encamên danûstandinên xwe yên bi Zelensky re ji Pûtîn re anîn ziman.
Ushakov li ser zarê Serokê Rûsyayê, tekez kir ku Rûsya dixwaze bi xurtî ji bo pêkanîna aştîyê, bi Amerîkayê re bixebite.
Her wiha Ushakov got ku Trump matmayîn û hêrsbûna xwe nîşan daye li hember êrîşa Kîevê ya bi dronekê li ser cihê bicîbûna Pûtîn.
