Dêrezor – SANA
Serokê Komîteya Bersivdana Awarte li parêzgeha Dêrezorê Fayiz Ebas, ragihand ku komîteyê biryar da ku pira axîn a di navbera her du alîyên çem de bi temamî bê girtin, û xebata li ser heta agahdarîyeke din bê rawestandin. Her wiha heta ku asta ava çemê Firatê aram bibe, ji bo ketina bajêr û derketina jê, pira avî bi tenê bê bikaranîn.
Ebas di daxuyanîyekê de ji SANAyê re îro Înîyê dîyar kir ku ji ber bilindbûna zêde ya asta ava çemê Firatê, kuneke teknîkî di laşê pira axîn de hate vekirin, bi armanca sivikkirina zexta avê, kêmkirina hêza herikîna wê, û parastina ewlehîya pirê.
Ebas destnîşan kir ku Komîteya Bersivdanê ji niştecihan xwestiye ku bi temametî pabendî naveroka biryara wan bin.
Ji ber xemxurîya ewlehîya derbasbûyan û bilindbûnên asta çem a li pey hev, Komîteya Bersivdana Awarte li Dêrezorê duh biryarek derxistibû ku rêwîtîya di navbera her du peravên çemê Firatê de bi rêya her du pirên axîn û leşkerî bi şevê qedexe dike.
