Heleb-SANA
Hêzên Ewlekarîya Hundirîn li bajarê Ezazê yê gundewarê Helebê, bi gumana beşdarbûna di êrîşa li ser karmendên bijîşkî yên Nexweşxaneya Medicalsê (berê Nexweşxaneya Dewa) 4 kes girtin.
Ev êrîş berî du rojan li bajarê Ezazê qewimîbû û amûr û kelûpelên nexweşxaneyê tê de hatibûn têkdan.
Îro Şemîyê, Hêzên Ewlekarîyê li ser kanala xwe ya Telegramê dîyar kirin ku alîyên peywendîdar lêkolînên xwe derbarê hûrgilîyên bûyerê de didomînin, bi taybetî derbarê şert û mercên mirina kesekî nexweş di beşa çavdêrîya hûr de ku hevdemî êrîşê bûye, da ku berpirsîyarî bi hûrgilî werin dîyarkirin.
Her wiha bal kişand ser wê yekê ku kesên girtî ji bo temamkirina rêkarên yasayî li gorî rêgezên dadwerî, radestî dadgeha peywendîdar hatin kirin.
