Şam-SANA
Rêveberîya Têkoşîna li dijî Madeyên Hişbir a Sûrîyê, bi hevahengîya ligel hevpîşeya xwe ya Îraqî, di çarçoveya hevkarîya navdewletî ya ji bo têkoşîna li dijî tawanên derveyî sînor, li parêzgeha Himsê operasyoneke ewlehîyê ya hûr pêk anî.
Wezareta Navxweyî du kesên daxwazkirî yên navdewletî (yek ji wan bîyanî ye) girtin û qaçaxçtîya 300 hezar hebên Kaptagonê di operasyoneke ewlehîyê de li Himsê pûç kir. Ev operasyon li ser bingeha hevahengîyeke îstîxbaratî ya navdewletî û şopandineke hûr a çalakîyên toreke tawanbar hat encamdan.
Dest danîn ser madeyên hatine girtin û her du girtî ji bo temamkirina rênimayên yasayî radestî dadgehê hatin kirin.
Ev operasyon wekî berdewamîya hevkarîyeke ewlehî ya berê tê, ku di meha Çileyê ya borî de qaçaxçtîya 2.5 mîlyon hebên Kaptagonê pûç kiribû. Ev yek amadekarîya bilind û pabendbûna hevbeş a ji bo rûbirûbûna tawana birêkûpêk û xurtkirina ewlehîya herêmî nîşan dide.
