Reqa – SANA
Wezareta Rêveberîya Xwecihî û Jîngehê duh Pêncşemê ragihand ku 572 karmendên parêzgeha Reqayê yên ku ji ber beşdarbûna di Şoreşa Sûrîyê de ji kar hatibûn dûrxistin, dîsa dê vegerin karên xwe yên li Sekreterîya Giştî ya parêzgehê, sazîyên girêdayî wê û yekîneyên îdarî yên ku berê lê dixebitîn.
Biryarê diyar kir, dê veger li gorî bendên qanûna hejmar 53 ya sala 2021an, bi girêbestên kar ên demkî be, û ji roja destpêkirina kar ve, tê hesibandin. Ev girêbest heta ku mersûmê yasadanînê yê taybet ji bo sererastkirina rewşa wan a kar û darayî were derxistin, didomin.
Li gorî girêbestê Sekreterîya Giştî ya Parêzgeha Reqayê bi erkê temamkirina rêkarên destpêkirina kar, îmzekirina peymanan û pêkanîna hemû tedbîrên pêwîst ji bo cîbicîkirina vê biryarê radibe, di heman demê de wezaretê bi encamên karên ku pêk anîye agahdar dike. Her weha, ew di ber piştrastkirina ku ev karmend ji kesên ku bi rastî di nav biryara dûrxistinê de ne yan na, berpirsyar e.
