Gundewarê Şamê-SANA
Koma Veberhênanê ya Derveyî Deryayan (IGO) duh Çarşemê, Projeya Niştecihbûnê ya “Yafûr 963” li devera Yafûrê ya li gundewarê Şamê, wekî yekemîn projeya xwe ya veberhênanê ya nû li Sûrîyê da destpêkirin.
Di merasîma destpêkirinê de Wezîrê Geştyarîyê Mazin El-Salhanî, Parêzgarê Şamê Mahir Merwan Idlibî, Parêzgarê Gundewarê Şamê Amir El-Şêx, ligel Serokê Desteya Giştî ya Balafirvanîya Sivîl û Veguhestina Esmanî ya Sûrîyê Omer El-Huserî û Balyozê Urdunê li Şamê Sufyan El-Qudat amade bûn.
Armanca vê projeyê piştgirîkirina sektora pêşxistina xanûberan û kişandina veberhênanan e, ew jî bi rêya avakirina komelgeheke niştecihbûnê ya tije xizmetguzarî ku xwe dispêre têgehên nûjen di avakirin û plansazîya bajarvanîyê de, û şêwaza mîmarî ya hemdem û nasnameya xwecihî li hev dicivîne.
