Heleb-SANA
Hejmarek girtîyên Zindana Helebê ya Navendî beşdarî ezmûnên her du bawernameyên xwendina bingehîn û lîseya giştî bûn, di nav navendên ezmûnan de ku li hundirê girtîgehê bi hevahengîya di navbera her du Wezaretên Navxwe û Perwerde û Fêrkirinê de hatibûn amadekirin.
Ev yek di çarçoveya hewldanên ku armanc dikin piştgirîya mafê perwerdeyê bikin û bernameyên amadekirin û jinûvetevlîbûna civakî xurt bikin de, pêk tê.
Alîkarê serokê şaxê Zindana Helebê ya Navendî Mehmûd El-Mûsa, îro Yekşemê di daxuyanîyekê de ji SANAyê re dîyar kir ku ezmûn piştî temamkirina amadekarîyên pêwîst û amadekirina navendên ezmûnan ên taybet bi girtîyan dest pê kirin, û da zanîn ku hejmara serlêderan ji her du qonaxên xwendina bingehîn û amadeyîya giştî gihîştiye 17 girtîyan.
