Şam – SANA
Wezîrê Veguhastinê û Wezîrê Darayî bi Parêzgarê Dêrezorê re rewşa tora rê û piran li parêzgehê û zîyanên ji lehîyê û bombebarana rejîma berê çêbûne nîqaş kirin. Di civînê de pêdivîyên lezgîn hatin nirxandin û pêşînîyên çaksazîyê ji bo nûkirina beşên zîyandîtî hatin destnîşankirin, da ku berdewamîya tevgera trafîkê were misogerkirin, li gorî tembînîyên Serok Ehmed El-Şeri’.
Wezîrê Darayî jî berdewamîya hevahengîyê ji bo dabînkirina fînansekirina projeyên binesazîyê piştrast kir, û pêşnîyara avakirina du pirên nû li Reqayê û Dêrezorê û nûkirina Pirên “Sîyasîyê û Meyadînê” li gorî standardên cîhanî ragihand, ku di nav dîtineke geşepêdanî de ye ji bo piştgirîya çalakîya aborî û girêdana di navbera parêzgehan de.
Ji alîyê xwe ve, Rêveberê Sazîya Veguhastina Rêyan plana parastinê ya îsal pêşkêş kir, ku 6 projeyên jîyanî bi lêçûna 872,7 milyon lîreyên sûrî dihewîne, ligel planeke lezgîn ji bo çareserkirina zîyanên lehîyê ku 4 projeyên nûkirina pir û rêyên navendî bi lêçûna 3,965 milyar lîreyên sûrî dihewîne.
