Hims-SANA
Îro roja Duşemê, li bajarê Himsê, komxebatêntaybet ji bo serkeftîyên endamtîya EncumenaGel yên parêzgehên Herêma Navîn dest pê kirin.
Ev komxebatji hêla Komîteya Bilind a Hilbijartinan ve û bi hevkarîya Wezareta Geşepêdana Îdarî têne organîzekirin. Armanca wan bihêzkirina şarezayîyên karên parlamenterî, qanûndanîn û çavdêrîyê ye, ku ev yek di çarçoveya bernameyeke rahênanê ku çar rojan didome tê meşandin.
Roja yekem a bernameyê, rahênanek li ser protokol, etîketa dîplomasî û rêbazên temsîla fermî bi xwe pêk hat, ku di bin çavdêrîya şêwirmendê Wezareta Derve Dr. Ehmed El-Huseyn de hat birêvebirin.
Her du endamên serkeftî, Ebdullah Xenûm û Nûr Cendelî, tekezî li ser giringîya van komxebatan kirin ku ji bo pêşxistina awayê karê wan ê parlamenterî bi rêya naskirina qanûnan û ezmûnên navdewletî alîkar in. Hêjayî gotinê ye ku ev bername li çar navendên parêzgehan tê pêkanîn da ku karîgerîya xebata qanûndanînê pêş bixe.
