Şam-Reqa-SANA
Rêveberê Giştî yê Sazîya Sûrîyê ya Nanpêjîyan Mihemed El-Seyadî tekez kir ku nanpêjîyên yedek li parêzgeha Reqayê xebata xwe berdewam dikin ji bo dabînkirina nanê welatîyan. El-Seyadî dîyar kir ku tibaba ardê ku ji bo van nanpêjîyan hatîye veqetandin rojane 90 tonî derbas dike.
El-Seyadî di daxuyanîyekê de ji bo nûçegihanê SANAyê eşkere kir ku ev tibab li ser 9 nanpêjîyên li parêzgehê tê dabeşkirin. Hinek ji van nanpêjîyan bi du xetên hilberînê dixebitin, ku ji bo her xetekê rojane 8 ton ard tê veqetandin. Navborî bal kişand ser wê yekê ku ev nanpêjî bi çavdêrîya rasterast a kadroyên Sazîya Sûrî ya Nanpêjîyan li şaxê Reqayê kar dikin.
Ji alîyê xwe ve, Rêveberê Şaxê Nanpêjîyan li Reqayê Ebdulhemîd El-Muxlif ji SANAyê re dîyar kir ku ji bo berdewamîya dabînkirina nên, nanpêjîyên yedek bi awayekî domdar û 24 saetan dixebitin, ev yek jî di dabînkirina pêdivîyên xelkê de bi awayekî berdewam dibe alîkar.
Li dawîyê, El-Muxlif tekez kir ku kalîteya nan baştir bûye ji ber kalîteya ard û çavdêrîya domdar, ev yek jî dibe sedema dabînkirina pêdivîyên xelkê û baştirkirina rewşa xizmetguzarîyên li parêzgehê.
