Hesekê-SANA
Şandeke Wezareta Dadê bi serokatîya Dozgerê Giştî yê Sûrîyê, dadwerê şêwirmend Hesan El-Turbe, Koşka Dadê li bajarê Hesekê û Girtîgeha Navendî li taxa Xiwêran wergirtin. Şandê li rewşa girtîyan nêrî, wek amadekarîyekê ji bo avakirina ofîseke yasayî ya ser bi Dozgerîya Giştî ya di Wezareta Dadê de da ku karûbarên wan bişopîne.
Dadwer El-Turbe di daxuyanîyekê de ku Rêveberîya Ragihandinê li Hesekê belav kiriye, dîyar kir ku di çarçoveya hevahengî û hevkarîyê de bi Rêveberîya Giştî ya Girtîgehan a ser bi Wezareta Hundir ve, Girtîgeha Navendî li parêzgeha Hesekê hat wergirtin û gereke meydanî di nav girtîgehê de hat kirin.
Dadwer El-Turbe dîyar kir ku ev serdan bi rênimaya Wezîrê Dadê pêk hat û hevdîtina bi Parêzgarê Hesekê re jî di nav de bû. Piştre çûn Koşka Dadê ya bajar da ku wê wergirin û ji nû ve çalak bikin, ligel civîna bi dadwer û karmendan re.
Dadwer El-Turbe destnîşan kir ku Berpirsê Giştî yê Rêveberîya Girtîgehan li Sûrîyê di serdanê de amade bû. Niha kar ji bo wergirtina girtîgehên parêzgeha Hesekê tê kirin da ku bi dadgehên ser bi Wezareta Dadê ve werin girêdan, bi vî rengî hevgirtin di navbera sazîyên dadwerî û çaksazîyê de xurtir bibe.
