Tartûs-SANA
Çawa ku xebat û xizmetên navdewletî tên kirin bi heman miqam û rengî xebat û xizmetên civakî û însanî ji teref rayedarên dewleta Sûrî ve ji gelê Sûrî tên kirin. Di vê çarçoveyê de ji bo gelê Sûrî di warê temînkirin genim, ard û nan de zehmetîyê nekşînin bi rêya Şîrketa Genim a Sûrîyê 31 hezar û 570 ton genim hat anîn.
Li gorî agahîyên ku hatine wergirtin îro du keştîyên Şîrketa Genim a Sûriyeyê yên ku 31 hezar û 570 ton genim hildigirin gihîştin bendera Tartûsê. Ev barkirin beşek ji planeke hikûmetê ye ku armanc dike depoya stratejîk a genim xurt bike û dabînkirina domdar a ard ji bo nanpêjxaneyên li seranserê welêt berdewam bike.
Hat hînbûn Rêveberê Benderê Ehmed Xelîl piştrast kir ku rêveberiya benderê bi hevkariya rayedarên têkildar dixebite ku hemî tesîsên pêwîst peyda bike da ku pêvajoya wergirtinê bilez bike. Wî her wisa derbarê mijarê de destnîşan kir ku her astengiyeke ku dibe ku rê li ber herikîna kar bigire tê safîkirin.
Ji teref Rêveberê Têkiliyên Giştî li Desteya Giştî ya Benderên Deryayî, Mazen Alloush ve jî derbarê mijarê de daxuyanîyek hat belavkirin. Mazen Alloush di daxuyanîya ku belav kir de qala şikl û şêwaza anîna genimê kir û got ku “Keştîya yekem, ku 21,300 ton genim hildigire, rasterast tê barkirin nav sîloyên di hundurê benderê de. Mîqdarên mayî jî bi kamyonan têne veguheztin navendên pejirandî. Keştiya duyemîn, ku 10,270 ton hildigire, bi rêya xetên trênê tê veguhastin, ku dihêle genim rasterast were şandin sîloyên genim ên li parêzgehan. Ev barkirin beşek ji zincîra dabînkirinê ya berdewam a ber bi bendera Tartûsê ve ye, wekî beşek ji hewldanên hikûmetê ji bo dabînkirina pêdiviyên bingehîn ji bo welatiyan û misogerkirina radestkirina bilez a genim ji bo aşxane û navendên têkildar, bi vî rengî ewlehiya xwarinê ya neteweyî zêde dike.”
Ev hatina genim bo bendera Tartûsê di piştgiriya ewlehiya xwarinê ya neteweyî de gaveke girîng temsîl dike, û rayedarên têkildar berdewamiya hewldanên ji bo dabînkirina pêdiviyên bingehîn bêyî navber an derengmayînê piştrast dikin. Ev destkeftî pabendbûna hikûmetê ji bo dabînkirina hewcedariyên welatiyan û zêdekirina aramiya jiyanê nîşan dide.
