Dêrezor-SANA
Hêzên Ewlekarîya Hundirîn karîn bandeke tawanbar a ku di dizî û talankirina hejmarek welatîyan de li devera Ebû Hemam a gundewarê Dêrezorê beşdar bûbûn, hilweşînin û çalakîyên wan pûç bikin.
Wezareta Navxwe di daxuyanîyekê de îro Duşemê dîyar kir ku ev operasyon piştî wergirtina çend gilî û daxwaznameyên xelkê li ser bûyerên dizîyê yên dubare li derdora bajarokê Ebû Hemamê pêk hat. Hêzên ewlekarîyê dest bi lêkolîn û komkirina agahîyan kirin, ku di encamê de nasnameya endamên bandê hat dîyarkirin û liv û tevgerên wan hatin şopandin.
Wezaretê destnîşan kir ku kesên hatine girtin radestî alîyên peywendîdar hatine kirin da ku lêpirsîn bi dawî bibe û rêkarên yasayî yên pêwîst li dijî wan werin girtin, berî ku bi awayekî fermî pêşkêşî dadgehê werin kirin.
Wezareta Navxwe û dezgehên ser bi wê ve, xebatên xwe yên ji bo parastina ewlehîyê û şopandina tawanbaran berdewam dikin û tekez dikin ku ew dê li hemberî kiryarên tawanbarîyê nermîyê nîşan nedin.
