Şam-SANA
Wezîrê Navxwe Enes Xetab û Wezîra Karûbarên Civakî û Kar Hind Qebewat, hejmarek mijarên têkildarî dosyaya kesên winda û zarokên wan, mekanîzmayên lêgerîna li zarokên winda, astengîyên meydanî û dozên tawanbarî yên bi wan ve girêdayî, gotûbêj kirin.
Li gorî tiştê ku Wezareta Karûbarên Civakî û Kar li ser kanala xwe ya Telegramê îro Duşemê belav kiriye, civîn bû sedema spartina lêpirsînên van dozên hestyar bo Rêveberîya Têkoşîna li Dijî Terorê.
Li alîyê din jî, tîmeke ewlehîyê ya taybet bi hevahengîya ligel hemû dezgehên peywendîdar, û pejirandina kanala têkilîyê ya fermî û rasterast ligel malbatên kesên winda ji bo misogerkirina agahdarbûna wan a nihênî û demdemî li ser geşedanan, hat avakirin.
Ji bilî wê jî, zêdekirina pevguhertina daneyan di navbera her du wezaretan de ji bo danîna nexşeyeke berfireh ku lêgerîna li ser çarenivîsê leztir bike û bigihîje encamên berçav di doza zarokan de.
Di civînê de, komek ji malbatên kesên winda, ligel seroka Komîteya Lêpirsînê ya li ser çarenivîsa keç û kurên jin û mêrên girtî û windayên bizorê û endamên komîteyê, tîmeke xwebexşan û nûnerên alîyên ewlehî û lêpirsînê beşdar bûn.
