Quneytira-SANA
Hêzên Îsraîla Dagîrker êvara îro Çarşemê derbasî gundê Ofanyayê li gundewarê Quneytirayê yê bakur bûn.
Nûçegihanê SANAyê li Quneytirayê dîyar kir ku hêzeke dagîrkerîyê ji 15 wesayîtên leşkerî û zêdetirî 60 endaman pêk dihat, derbasî gundê Ofanyayê bûn û li her derê belav bûn û dergehên gund girtin, her weha xaleke kontrolê danîn û rêya di navbera bajarokê Xan Ernebê û Ofanyayê de bi hêzeke ji 4 wesayîtên leşkerî pêk dihat girtin, di heman demê de bombeyên ronahîyê li derdora gund avêtin.
Di heman mijarê de, hêzên dagîrkerîyê êvara îro du top avêtin ku li derdora gundê Semdanîya Rojhilatî li gundewarê Quneytirayê yê bakur ketin, bêyî ku tu kes birîndar bibe.
Sûrîye bi berdewamî daxwaza derketina hêzên Îsraîlê ji xaka xwe dike, û tekez dike ku hemû karên ku li başûrê Sûrîyê dike betal û bêkêr in, û li gorî yasayên navdewletî ti bandoreke wan a yasayî nîne.
