Şam-SANA
Îro li Helebê, Hêzên Ewlekarîya Hundirîn, ji ber topbarana rêxistina HSDê li ser taxên niştecihbûnê pêk anî, silametîya sivîlan dabîn kir; ev yek bi rêya pêkanîna rêkarên meydanî yên lezgîn pêk hat ku armanca wan parastina niştecihan û rêgirtina li ber çêbûna birîndaran bû.
Wezareta Karên Hundir bi rêya kanala xwe ya li ser Telegramê dîyar kir ku yekîneyên Ewlekarîya Hundirîn dest bi ferzkirina kembereke ewlekarîyê li derdora deverên armanckirî û birêxistinkirina operasyonên valakirina sivîlan kirin, ligel vekirina dergehên mirovî ji bo ku welatî karibin bi awayekî ewle ji cihên metirsîyê derkevin.
Wezaretê destnîşan kir ku tîmên pispor li ser arastekirina niştecihan bo xalên kombûnê yên ewle, dabînkirina tevgera derbasbûnê û birêxistinkirina çûnûhatinê tev digerin, ligel berdewamîya rewşa amadebaşîya ewlekarîyê li deverê.
Her wiha tekez kir ku ev rêkar di çarçoveya parastina sivîlan û parastina silametîya wan de tên, ligel şopandina pêşhatên meydanî û girtina tedbîrên pêwîst li gorî pêşhateyan.
Nûçegihanê SANAyê li Helebê tekez kiribû ku rêxistina HSDê rê li ber wan şênîyan digire yên ku dixwazin ji taxên Şêx Meqsûd û Eşrefîyeyê derkevin da ku bigihîjin wan her du dergehên mirovî yên ku Desteya Operasyonên Artêşa Erebî ya Sûrîyê ragihandibûn, ew jî “El-Ewarid” û “Kolana El-Zuhûr” in.
