Hums – SANA
Rêvebira Perwerde û Hînkirinê ya Himsê, Dr. Melek El-Sîbaʼî, piştrast kir ku Rêveberîyê, piştî belavbûna vîdyoyekê ku tê de mamosteyeke jin tundîyê dermafê xwendekaran bi kar tîne, yekser tedbîr girtiye û ew mamoste ji kar dûr xistiye.
El-Sîbaʼî dîyar kir ku mamoste karmendeke demkî bû, piştî belavbûna wê vîdyoyê, Rêveberîyê lêpirsîneke bilez da destpêkirin û li gorî qanûnê tedbîrên yasayî yên pêwîst li dijî wê standin. Ew ji kar dûr xist ku di pêşerojê de jî nikaribe karê mamostetîyê li çi dibistaneke din bike. Mamoste bo Beşa Kontrola Navxweyî hatiye şandin. Her weha Rêveberîyê tekez kir ku ew bi xurtî hemû şêweyên tundûtûjîyê li dibistanan red dike.
Rêvebira Perwerdeyê tekez kir ku ew pir giringîyê didin dabînkirina jîngeheke ewle ya hîndarîyê û pêşxistina çanda rêzgirtinê di nav xwendekar û mamosteyan de.
Tê zanîn ku duh vîdyoyek ji dibistanekê li Parêzgeha Himsê belav bûye, tê de mamosteyeke jin tundîyê dermafê xwendekaran bi kar tîne.
