Şam-SANA
Ofîsa Cîbicîkar a Parêzgeha Şamê îro biryarek derxist derbarê bikaranîna resîfên li ber dikanên li bazarên Bajarê Kevin têde rêzik û xercên ku dê werin berhevkirin diyar dike.
Biryara ku ji hêla parêzgehê ve li ser kanala Telegramê hatiye weşandin, divê ji roja belavkirina wê ve, ne ji roja agahdarkirinê ve, were cîbecîkirin û muhleta hefteyekê hatiye dan ji bo pabendiya bi naveroka nameya hişyarîdanê ya ku ji aliyê rêveberiya Şama kevin ve hatiye dan.
Û li gor biryarê, çêdibe ku resîf li sûka Bizûriyê û Midhet Paşa bi firehiyeke ne zêdî 60 santîman were bikaranîn, lê li sûka Hemîdiyê û ya Terziyan û ya Deqaqan û ya Herîr û ya Esrûniyê, çênabe resîf bên bikaranîn û rêveberiya Şama kevin di ber bicihanîna vê biryarê de berpirs e.
Xerc û Belgeyên ku Tên Xwestin
Li gor ku di biryarê de hatiye, ji bo her metroyeke çargoşe 3000 lîreyên sûrî tên standin û destûrdaneke demkî ji bo vî tiştî tê dan û ew destûrdan tê nûkirin û amaje kir ku serlêdan di dema heftiyekê ji dema belavkirina biryarê ve pêkane.
Di biryarê de hatiye ku belgeyên tên xwestin ev in: Çesipandina danasîna xwediyê daxwaznameyê û fotokopiyek ji ruxseta rêveberî û kopiyek ji nasnameya kesayetî.
Û di biryarê de hatiye ku çênabe piskilêtên elektirîkî û yên normal û motosiklêt li pêşiya dikanan bên parkkirin, yan jî wê ew alav bên desteserkirin.
Temamkirina Çareseriyên Rêkupêkirinê ji Bazarên Dîtir re
Parêzgehê di biryara xwe de, tekezî li ser temamkirina çareserkirina rewşa bazarên Şama kevin bi biryareke din kir, piştî temamkirina vekolînkirina rewşa wan, û daxwaza parastina vekirîmana riyan ji bo çûn û hatinê kir, her weha parastina nirxê dîrokî yê wan deveran.
Ev biryar ji bo çareserkirina qerebalix û tengbûna cih li pêş xelkê li bazarên Şama kevin hat dan, wek Hemîdiye û Bizûriye û Midhet Paşa û Esrûniye ji encama bikaranîna resîfan bi riya danîna kelûpelên dikanan û pisiklêt û motosiklêtan ên ku tevgera xelkê asteng dikin û dîmenê avahîsazî yê nirixdar ê wan deveran dişêwînin û xerab dikin.
