Şam-SANA
Hat ragihandin li Şamê Navenda Rewşa Sivîl a li kompleksa “Yalbugha” hat vekirin. Li gorî agahiyên ku hatine bidestxistin Wezîrê Karên Hundir ê Sûrîyê Anas Xetab îro Navenda Rewşa Sivîl a li kompleksa “Yalbugha” li Şamê vekir. Hat hînbûn ev yek di çarçoveya hewldanên wezaretê de ji bo baştirkirina kalîteya xizmetên hikûmetê û hêsankirina prosedurên ji bo welatiyan tê kirin.
Wezîr Xetab piştî gera navendê ya digel Tuggeneral Ziyad El-Ayeşê Alîkarê Kar û Barên Sîwîl ê Wezaretê, daxuyaniyek da bo endamên çapemeniyê.
Wezîr Xetab di daxuyaniya ku belav kir de destnîşan lir ku ev navend qonaxa veguhêz a yekem temsîl dike da ku kalîteya xizmetên ku ji welatiyan re têne peyda kirin baştir bike û barê wan sivik bike. Wezîr Xetab di berdewama daxuyaniya xwe de destnîşan kir ev qonax li benda pejirandina nasnameya dîtbarî ya dawîn e ku wezaret niha di destpêka sala bê de dê bisêwirîne.
Wezîr Xetab di berdewama daxuyaniya xwe de balan kişand li ser şêwaza wan a ku ew bi kar tînin û îfade kir ku Karûbarên Sivîl dê di xebata xwe de xwe bispêrin pergalên dîjîtal û kaxezan ji holê rakin, ku ev yek dê têkiliya rasterast di navbera karmend û xerîdaran de kêm bike û bûyerên gendelî û tevlîhevîyê sînordar bike. Wî her wilo destnîşan kir ku mûçeyên kêm di demên berê de yek ji sedemên belavbûna gendelî û alozîyên di saziyên hikûmetê de bû ku ji bilî girêdana bi kaxezan re her wilo bi gelek kêmasiyên qanûnî tije bû.
Wezîr Xetab di berdewama daxuyaniyê de li ser dîjîtal kirina belgeyan de nirxandinan kir û eşkere kir ku, li gorî texmînên Rêveberiya Giştî ya Karûbarên Sivîl, danûstandin dê heta meha çaremîn a sala bê li hemî navendên rewşa sivîl ên li parêzgehên Sûriyeyê, bi karanîna sepanên elektronîkî yên ku dê ji hêla wezaretê ve werin destpêkirin û ew ê werin dîjîtalîzekirin.
Wezîr Xetabê ku derbarê nasnameya kesane de jî nirxandinan kir got ku Rêveberiya Giştî ya Karûbarên Sivîl niha lêkolînek dike da ku sêwiranek yekgirtî ji bo kartên nasnameya kesane li seranserê Sûriyeyê bê qebûl kirin, û destnîşan kir ku niha çar modelên cûda ji bo kartên nasnameya kesane li ber wan hene.
Qonax bi qonax temamkirina serlêdanên elektronîkî
Derbarê mijarê de ji teref Berdevkê Wezareta Karên Hundir Nûredîn El-Baba ve jî daxuyaniyek hat belavkirin. Wezîr Nûreddîn di daxuyaniya xwe ya ku da de ji SANAyê re got ku navenda nû xwedî cihekî mezintir e, ku rê dide karekî nermtir û rehetiyek mezintir ji bo hem karmendan û hem jî mêvanan. Ew dikare rojane 2000 mêvanan qebûl bike û dê bibe alîkar ku qerebalixiya trafîkê li herêma ku navenda kevin a li Şamê lê bû sivik bibe.
Wezîr Nûreddîn her wilo destnîşan kir ku navend demkî ye, li benda veguhastina avahiyek nû ye, ku dê di destpêka sala bê de bi kapasîteyek mezintir ew ê vebe. Piştî vê yekê dê serlêdanên elektronîkî werin temam kirin ku dê welatî bikaribin danûstandinên xwe ji malê temam bikin. Ew ew yek wekî beşek ji rêze tedbîran ji bo bidestxistina modernîte û karûbarên dîjîtal ên yekgirtî tê kirin.
Navenda kevin dê bi yeke ewletir bê guhartin
Rêveberê Rewşa Sivîl ya li Sûriyeyê Abdullah Abdullah, jî di daxuyaniyeke bi heman rengî de, diyar kir ku navenda nû dê şûna ya kevin a li kêleka Pira Şoreşê bigire. Ew li ser rûberek bi qasî 1000 metreçargoşeyî dirêj dibe û bi alavên teknîkî yên herî dawî ve hatiye sazkirin. Bernameyek elektronîkî ya nû û pir ewle hatiye pejirandin da ku şûna bernameya berê bigire, lewra ya berê di warê hackkirinê de xeternak bû.
Tê diyarkirin ev gav beşek ji rêze tedbîran in ku ji hêla Wezareta Karên Hundir ê Sûrîyê ve ji rizgarkirinê ve ji bo nûjenkirina binesaziyê û baştirkirina asta xizmetên ku ji welatiyan re têne peyda kirin hatine girtin. Ev gav li gorî pêdiviyên heyî ye û pêvajoya veguherîna dîjîtal di xebata hikûmetê de xurt dike.
