Siwêda-SANA
Nêzîkî 150 xwendekarên ji Siwêdayê ku heyama borî karîbûn ji parêzgehê derkevin, li gundewarê bakur ezmûnên xuleya awarte ya bawernameyên perwerdeya bingehîn û amadeyî ya giştî bi hemû şaxên wê ve berdewam dikin. Ev yek di demekê de ye ku komên deryasayî rê li ber xwendekarên din ên li hundirê parêzgehê digirin û nahêlin ew bigihêjin navendên xwe yên ezmûnan.
Rêveberê Rêveberîya Ragihandina Siwêdayê, Murhef El-Şair, îro Sêşemê, di daxuyanîyekê de ji bo “El-Îxbarîye El-Sûrîye”, tekez kir ku: “Rewşa xwendekarên li hundirê parêzgehê jî ber kontrola komên deryasayî dijwartir bûye, ew kom rêyan li ber xwendekaran digirin û nahêlin ji parêzgehê derkevin da ku beşdarî ezmûnên xwe bibin.”
El-Şair amaje bi wê yekê kir ku beşek ji xwendekarên Siwêdayê berî destpêkirina ezmûnan karîbûn derkevin û bigihêjin Ceremana û Şamê û gundewarê wê, û da zanîn ku nêzîkî 150yan ji wan yên ku karîbûn derkevin, ezmûnên xwe pêşkêş dikin.
El-Şair bal kişand ser wê yekê ku rojane bi sedan peyam ji xelkê Siwêdayê digihêjin wan, tê de behsa rewşa jîyana dijwar a li nava parêzgehê û astengî û rêgirîyên ku li dijî zarokên wan tên pêkanîn, dikin.
