Şam-SANA
Zanîngeha Şamê bang li xwendekarên nû yên ku di pêşbirka wergirtinê (mifadele) ya Perwerdeya Vekirî de ji bo sala xwendinê ya 2025-2026an hatine qebûlkirin kir, ku bi lez qeydên xwe bi rêya malpera wergirtina zankoyê tespît bikin û rênimayên qeydkirinê di nav demên dîyarkirî de temam bikin.
Zankoyê di daxuyanîya xwe de, ku SANAyê îro Çarşemê kopîyek jê wergirt, amaje bi wê yekê kir ku divê xwendekarê ku qeyda xwe li ser malperê tespît kiriye, serdana beşa karûbarên xwendekaran a bernameya ku tê de hatîye qebûlkirin bike û dosyeya xwe radest bike. Her wiha dîyar kir ku roja dawî ji bo tespîtkirina qeydan û radestkirina belgeyan 26ê Sibata 2026an e.
Hêjayî gotinê ye ku Wezareta Xwendina Bilind û Lêkolînên Zanistî encamên pêşbirka wergirtinê ya Perwerdeya Vekirî ji bo sala xwendinê ya 2025-2026an di 24ê Kanûna Pêşîn a sala borî de ragihandibû.
