Şam-SANA
Di civînekê de ku îro ji alîyê Wezareta Perwerdehîyê ya Sûrîyeyê ve bi nûnerên rêxistinên navneteweyî û herêmî re hat lidarxistin, plana nûjenkirin û pêşxsitna dibistanan, digel, xurtkirin û pêşxistina şîyanên karmendên mamostetîyê û tevlêkirina zarokên astengdar, hat giftûgokirin.
Karûbarên Pêkanîna Pêdivîyên Dibistanan:
Beşdarên civînê -ku li Şamê hat lidarxistin- li ser karûbarên piştgirîya perwerdehîyê axivîn ku di nav de jî pêkanîna bernameyên perwerdehîyê ji bo mamosteyan, berfirehkirina perwerdehîya ta’wîzê, û dabînkirina kursîyên dibistanê ji bo xwendekarên ku ji derveyî welêt vedigerin. Her wiha wan tekezî li ser pêwîstîya sazkirina salonên çalakîyan û dabînkirina piştgirîya lojîstîkî jî kir.
Ji Rizgarkirinê heta Niha 448 Dibistan Hatine Nûjenkirin:
Rêvebirê Avahîyên Dibistanan, Endezyar Mihemed El-Henûn, rewşa avahîyên perwerdehîyê nirxand û destnîşan kir ku ji rizgarkirinê heta niha, ji 7,200 dibistanî ku pêwîstî nûjekirinê ne, 448 dibistan hatine nûjenkirin. Her weha wî destnîşan kir ku kampanyaya “Dibistana min li min vegerînin” halê hazir nûjenkirina 300 dibistanî li xwe digire.
Li alîyê din jî, El-Henûn nasnameya dîtbarî ya nû ya dibistanan jî pêşkêş kir, ku xwebûna neteweyî û nirxên dijwar û hêvîyê reng vedidin.
Planên Wezarî ji bo Misogerkirina Perwerdehîyê bo Her kesî:
Cîgirê Wezîrê Perwerdehîyê yê Karûbarên Perwerdehîyê, Yûsif Annan, girîngîya pabendîya bi planên hevbeş ên ji bo piştgirîya perwerdehîyê tekez kir. Her weha Cîgirê Wezîrê Perwerdehîyê, Ehmed El-Hesen, tekezî li ser girîngiya misogerkirina kursîyan bo her xwendekarekî kir ku wekî mafek bingehîn e.
Hêjayî gotinê ye jî ku Wezaretê di 17ê Tebaxê de destpêşxerîya neteweyî “Dibistana min li min vegerînin” dabû destpêkirin da ku mafê zarokan ê perwerdehîyê piştrast bike.
