Şam-Sana
Wezareta Xwendina Bilind û Vekolînên Zanistî, ragihand ku xwndekarên Sûrî dikarin daxwaznameyên xwe yên ji bo bidestxistina borsên xwendinê li dezgehên perwerdehiyê yên li Berazîlyayê (IES), ên ji bo xwendina bilind (master û doktora), ji bo sala 2026an, pêşkêş bikin.
Wezaretê di ragihandina xwe de ya ku kopyak jê îro giha Sanayê, destnîşan kir ku xwendekar dikarin daxwaznameyên xwe di riya sîstema elektronîk ya CAPES re, pêşkêş bikin.
Wezaretê da xwuyakirin ku 650 bors ji xwendekarên biyanî yên ji dervî Berazîlyayê re hene, taybetmendiya vê borsê ew e ku, xwendekar ti xercên xwendinê nadin, alîkariyeke madî ya mehane jî heye û her weha alîkariyeke din ya mehane ji bo bidestxistina sîgortaya tenduristî heye, û alîkariyeke madî ji bo kirya vegera xwendekar a bitemamî an jî vegera carcaran ji bo welatê wî heye.
Wezaretê destnîşan kir ku dema dawî ya qeydkirina ji bo xwendina masterê, 29ê îlona 2025an e, lê qeydkirin ji bo doktorayê, ji 1ê çirya pêşî ji sala 2025an dest pê dike û ta 30ê çilê pêşî 2025an berdewam dike.
Wezaretê bal kişand ser ku hemû agahî û hûrgiliyên der barê xwendina li Berazîlyayê, di hindirê lînkê de hene.
