Şam-SANA
Li gorî daneyên nû yên ku ji alîyê Wezareta Enerjîyê ve hatine weşandin, di nîvê yekem ê îsal de hilberîna nefta xam li Sûrîyê ji 14 mîlyon bermîlan derbas bû, di heman demê de hilberîna gaza siruştî ya xam gihîşt 1.429 mîlyar metre sêcar, û nefta xam a parzûnkirî jî gihîşt du mîlyon tonî.
Wezaretê duh Sêşemê bi rêya kanala xwe ya Telegramê dîyar kir ku di nîvê yekem ê sala 2026an de, sektora neft û gazê di piştgirîkirina aborîya niştimanî û xurtkirina ewlehîya enerjîyê de rola xwe domand.
Ev yek jî bi rêya zêdekirina hilberînê, pêşxistina binesazîyê, nûjenkirina sazîyan û vekirina rêyên nû ji bo veberhênan û hevkarîyan pêk hat.
Li gorî daneyên wezaretê, qebareya nefta xam a ku di heyama navborî de hatiye hilberandin gihîşt 14.8 mîlyon bermîlan û 3.5 mîlyon ton berhemên neftê, ligel hilberîna 1.429 mîlyar metre sêcar gaza siruştî ya xam, 1.252 mîlyar metre sêcar gaza siruştî ya paqij, û 35.5 hezar ton gaza malê ya şilkirî.
Her wiha parzûngehên neftê yên seretayî li 4 parêzgehan hatin rakirin, navenda neftê ya El-Sewreyê û stasyona El-Bişrî hatin nûjenkirin, 152 bîr hatin xebitandin, 10 bîrên nû dest bi hilberînê kirin, û stasyona gaza Debûsîyê wek amadekarîyekê ji bo veguhastina gazê bo Libnanê, hat amadekirin.
7 Memorandumên Hevtêgihiştinê û 3 Peyman ji bo Pêşxistina Sektora Neftê
Wezaretê di daneyên xwe de eşkere kir ku 7 memorandumên hevtêgihiştinê ligel kompanyên navneteweyî û 3 peyman ji bo pêşxistina sektora neftê û nûjenkirina 5 kîlometreyan ji xeta gaza Conoco hatine îmzekirin.
Her wiha koma pompekirinê ya sereke li Himsê piştî rawestandina 12 salan ji nû ve hat xebitandin, xerazeya deryayî ya “Emrît” vegerîya xizmetê, û turbînên gazê li qada El-Cebse hatin xebitandin.
Derbarê kolandin û hilberînê de, daneyan destnîşan kir ku karên kolandinê gihîştine 3460 metreyan, ligel nûjenkirina du xerazeyan, ji nû ve xebitandina 152 bîran, 10 bîran dest bi hilberînê kiriye û 21 hatin çakkirin.
110 Barkêşên Sotemenîyê Digihîjin Benderên Neftê
Ji bo xurtkirina ewlehîya dabînkirinê, aramîya peydabûna sotemenîyê û bilindkirina kalîteya parzûnkirinê, benderên neftê di heman heyamê de pêşwazî li 110 keştîyên barkêş kirin.
Her wiha 1.016 mîlyar metre sêcar gaza siruştî, 1.5 mîlyon ton nefta xam, 598 hezar ton mazot, 283 hezar ton benzîn, 196 hezar ton gaza malê ya şilkirî, û 32 hezar ton sotemenîya fuel hatin hawirdekirin.
Derbarê dabînkirina sotemenîya stasyonên elektrîkê de, wezaretê dîyar kir ku stasyonên hilberîna elektrîkê bi 2.059 mîlyar metre sêcar gaz û 859,251 ton sotemenîya fuel hatine dabînkirin, û bazara navxweyî jî bi 3.5 mîlyon ton berhemên neftê hatiye dabînkirin.
