Hims-SANA
Şaxê Sazîya Giştî ya Pirkirina Tovan li parêzgeha Himsê, wergirtina berhemên ceh û genim ji cotkarên ku girêbest bi sazîyê re kirine, berdewam dike. Ev yek di çarçoveya planekê de tê ku armanca wê dabînkirina tovên baştirkirî ji bo demsala çandinîyê ya bê ye.
Rêveberê şaxê sazîyê endezyar Omer Ewed di daxuyanîyekê de ji bo peyamnêrê SANAyê îro Pêncşemê dîyar kir ku proseya wergirtina berhemên ceh û genim ji cotkarên peymandar di 21ê Hezîrana borî de dest pê kir, piştî ku karên çinînê bi dawî bûn.
Tibabên wergirtî di çewalan de têne dagirtin û li gorî pîvanên teknîkî yên ku kalîteya wan diparêzin, ji bo embarên sazîyê têne veguhastin.
Serokê Komîteya Dabînkirinê li şaxê sazîyê endezyar Mihdî Mehmûd jî dîyar kir ku rêkarên wergirtinê li gorî mekanîzmayeke hûr pêk tên. Destpêkê cotkar moleta veguhastinê û belgeya analîzê ya laboratuwarê pêşkêş dike, paşê komîteya dabînkirinê mînakên tov hildide û wan ligel mînakên laboratuwarê dide ber hev da ku piştrast bibe ku tov li gorî pîvanên teknîkî yên pejirandî ne.
