Şam-SANA
Wezîrê Enerjîyê Mihemed El-Beşîr eşkere kir ku sedemên qelebalixîya ku di dema borî de li benzînxaneyan çêbû, vedigerin dûrxistina barekî benzînê ku ne li gorî pîvanan bû di dema berî kêmkirina nirxê sotemenîyê de û belavnekirina wê li bazarê.
Her wiha hinek benzînxaneyan wergirtina sotemenîyê kêm kiribû piştî belavbûna agahîyên derbarê kêmkirina nirxan de da ku ji zirarê dûr bikevin û gelek welatî ji bo dabînkirina sotemenîyê li benda nirxên nû mabûn.
Di daxuyanîyekê de ku Wezareta Enerjîyê li ser kanala xwe ya Telegramê îro Şemîyê weşand, Wezîr El-Beşîr dîyar kir ku piştî derketina biryara nirxên nû yên sotemenîyê, daxwazên ku hatibûn paşxistin hemû di carekê de derketin û bi awayekî bêhempa zêde bûn, ligel wê jî hinek bazirganên qeyranan ev rewş li qezenca xwe bi kar anîn.
El-Beşîr bal kişand ser rêkarên ku wezaretê ji bo çareserkirina vê qelebalixîyê wergirtine û tekez kir ku kar ji bo çareserîyên domdar ku aramîya sektora sotemenîyê xurt dikin, berdewam dike.
Wezîrê Enerjîyê gotina xwe wiha qedand: “Stasyonên sotemenîyê di dema borî de rastî astengî û qelebalixîyeke mezin hatin, lê îro qelebalixî pir kêm bûye û tevgera asayî li piranîya deveran vegerîyaye”.
Bi vî rengî, di hefteya borî de 179 raporên binpêkirinê hatin amadekirin, ku di nav wan de girtina stasyon û embarên ku destê wan di binpêkirinan de hebû, hene.
