Şam-SANA
Hejmara şirketên ku li cem Rêveberîya Şirketan a Wezareta Aborî û Pîşesazîyê li Sûrîyê ji destpêka îsal ve hatine tomarkirin, gihîşt 1846 şirketan. Ev yek geşepêdana jîngeha kar û veberhênanê ya piştî rizgarkirinê nîşan dide.
Rêveberê Rêveberîya Şirketan û Parastina Milkdarîyê Ebdilmecîd Ebdo, îro Yekşemê ji bo nûçegihanê SANAyê dîyar kir ku hejmara şirketên tomarkirî yên xwedî berpirsyarîya sînordar gihîştiye 1349 şirketan. Di heman demê de, hejmara şirketên hevpiş gihîşt 432 şirketan, 38 şirketên tewsîyê, 24 şirketên pişkdarîyê yên girtî û taybet û 3 şirketên pişkdarîyê yên holding.
Ebdo da zanîn ku ev pêşketin hewldanên hikûmetê yên di warê baştirkirina xizmetguzarîyên ji bo veberhêneran, hêsankirina rêkarên damezrandina şirketan û rêkxistina karên wan nîşan dide.
