Waşington-SANA
Bihayê zêr, îro di danûstandinan de ji asta xwe ya herî bilind a nêzîkî sê hefteyan, daket, ji ber ku veberhêneran berê xwe dan qezencgirtinê, di heman demê de zîv asteke nû ya rekorê tomar kir.
Li gorî tora Erebî ya “CNBC”yê, di danûstandinên yekser de, zêr bi rêjeya 0.1% daket û bû 4225.19 dolar ji bo her onseyekê, piştî ku îna borî gihîştibû asta xwe ya herî bilind ji 13ê meha borî ve.
Girebestên Amerîkî yên paşerojê yên zêr ên ji bo radestkirina vê mehê, bi rêjeya 0.1% bilind bûn û gihîştin 4261.00 dolarî ji bo her onseyekê.
Di danûstandinên yekser de, zîv bi rêjeya 2.2% asteke nû tomar kir û bû 57.59 dolar ji bo her onseyekê.
Dolar jî ji 17ê meha borî ve nêzîkî asta xwe ya herî nizm ma, ev yek jî bû sedem ku metala zer a bi dolar tê bihakirin, ji bo xwedîyên pereyên din erzantir bibe.
Derbarê metalên din ên biqîmet de, platîn bi rêjeya 0.2% daket û bû 1669.15 dolar, di heman demê de paladyûm bi rêjeya 2.3% bilind bû û gihîşt 1483.51 dolaran.
